កំណាព្យ បណ្តាំដូនតា

កំណាព្យ បណ្តាំដូនតា
(បទពាក្យបួន)

1. វស្សាដើរព្រឹក.......................កត្ដិកដើរល្ងាច
ហាលស្រូវអោយវាច............សមល្មមនឹងឆ្អិន។
...
2. រៀនសូត្រកុំឈប់...................ចង់ម៉ត់អោយកិន
រៀនអោយខ្ពស់សិន................សឹមរកការងារ។


3. ចង់អោយដែកស្រួច...............ណាពៅពុំងា
ត្រូវតែឧស្សាហ៍......................ខំដុសដែកដុល។

4. ចង់អោយចបមុត....................ត្រូវខំរុកត្បុល
កាប់គាស់ឬសគល់.................ដីក្នុងចំការ។


5. ចង់អោយកូនចេះ..................អស់ជនខេមរា
ជូនទៅសាលា.......................អោយកូនបានរៀន។

6. ឆ្លៀតពេលនៅផ្ទះ...................ចូរកុំអៀនខ្មាស
ដាស់តឿនប្រិតប្រៀន.............កូនអោយរៀនសូត្រ។


7. ចង់អោយកូនល្អ......................ឧស្សាហ៍ស្លូតបូត
បង្រៀនរហូត..........................គំរូសីលធម៌។

8. ត្រូវប្រកាន់ខ្ជាប់........................នូវគោលវប្បធម៌
ខ្មែរដ៏បវរ..................................អោយថ្កើងមាំមួន។