ទូរគមនាគមន៍ ​កម្ពុ​ជាបានបង្ហាញ​ពានរង្វាន់​ថ្មី

​

ទូរគមនាគមន៍ ​កម្ពុ​ជា កាលពី​ព្រឹក​ថ្ងៃ​អង្គារ​នេះ បានបង្ហាញ​ពានរង្វាន់​ថ្មីមួយទៀត​ឈ្មោះថា “​ពាន​ពេជ្រ អន្តរជាតិ សម្រាប់ គុណភាព ដ៏​ឧត្តុងឧត្តម​” (Inter-national Diamond Prize for Excellence in Quality) ដែលជា​ពានរង្វាន់​ទី​៦ របស់ខ្លួន​ប្រគល់​ដោយ​អង្គការ (ESQR) នៅ​ប្រទេស​បែលហ្ស៊ិក កាលពី​ថ្ងៃ​ទី​២ ខែ​ធ្នូ ឆ្នាំ​២០១២ កន្លង​ទៅនេះ​។​
ក្នុងនោះ​លោក​ឡៅ សារឿ​ន ប្រតិភូ​រាជរដ្ឋាភិបាល​កម្ពុជា​ទទួលបន្ទុក​អគ្គនាយក​ទូរគមនាគមន៍​កម្ពុ​ជា បាន​មាន​ប្រសាសន៍ថា មូលហេតុ​ដែល​ទូរគមនាគមន៍​កម្ពុ​ជា ទទួល​បាន​ពានរង្វាន់​ថ្មី​នេះ ក៏​ព្រោះតែ​ទូរគមនាគមន៍កម្ពុជា​បាន​គោរព​ទៅតាម​លក្ខខ័ណ្ឌ​ស្តង់ដារជាច្រើន​ ដែលអង្គការ​(ESQR) បានកំណត់។
​គួរបញ្ជាក់​ថា ការទទួលបាន​ពានរង្វាន់​បញ្ជាក់​ពី​គុណភាព​ថ្មី​មួយ​នេះ បានធ្វើឱ្យ​ទូរគមនាគមន៍​កម្ពុជា​កាន់តែ​ទទួល​ស្គាល់​ឡើង​និង​មាន​ លទ្ធភាពប្រកួតប្រជែង​នៅលើ ឆាក​​អន្តរជាតិ​៕