យុវជន​កម្ពុជាU19 ទៅ​ ចូលរួម​ប្រកួត​ក្នុង​ពាន​រង្វាន់ U19 V-League 2013 tournament នៅ​ប្រទេស​វៀតណាម

យោង​តាម​ Facebook ផ្លូវការ​របស់​ក្លិបបាល់ទាត់​ព្រះខ័នរាជ ​ចេញ​ផ្សាយ​​ម្សិល​មិញ​ ​បាន​ឱ្យ​ដឹង​ថា​កីឡាករ​ក្លិប​មួយ​នេះ​ចំនួន ១២ នាក់ រួម​ផ្សំ​ជាមួយ​​កីឡាករ​របស់​ក្រុម​ស្វាយរៀង ១៣ នាក់​តំណាង​ឱ្យ​​​​យុវជន​កម្ពុជាU19 ទៅ​ ចូលរួម​ប្រកួត​ក្នុង​ពាន​រង្វាន់  U19 V-League 2013 tournament នៅ​ប្រទេស​វៀតណាម។

U19ព្រះខ័នរាជ ដែល​តំណាង​ឲ្យ ក្រុមស្វាយរៀង កាល​ពីពាន​រង្វាន់ Hun Sen Cup កន្លង​ទៅ(រូបថត៖ FFC)

ប្រភព ​ដដែល​បាន​ឱ្យ​​​ដឹង​ទៀត​ថា ក្រុម​U19 ​​តំណាង​ឲ្យ​កម្ពុជា​មួយ​នេះ​ស្ថិត​នៅក្នុង​ពូល C ជាមួយ​ក្រុម​ម្ចាស់​​ផ្ទះ ៥ ផ្សេង​ទៀត រួម​មាន  Khatoco KH, Đồng Nai, HAGL, Bình Định និង Tây Ninh។ តាម​ការ​គ្រោង​ទុក​ U19 ព្រះខ័នរាជ​គ្រោង​ធ្វើ​ដំណើរ​ចេញ​ទៅ​ប្រទេស​វៀតណាម​នៅ​ព្រឹក​ថ្ងៃ​ចន្ទ​ទី​ ១៤​ ​​​ស្អែក​នេះ​តាម​រថយន្ត​ក្រុង។

ខាង​ក្រោម​ជា​កម្មវិធី​ប្រកួត​នៅ​ក្នុង​ពាន​រង្វាន់ U19 V-League ៖
ជើង​ទី១
១៥ មករា ម៉ោង ៣ រសៀល  Tây Ninh v  U19 PKR
១៧ មករា ម៉ោង ៥ ល្ងាច  Bình Định v U19 PKR
២០ មករា ម៉ោង ៣ រសៀល  U19 PKR v HAGL
២២ មករា ម៉ោង ៥ លា្ងច U19 PKR v Dong Nai
២៥ មករា ម៉ោង ៣ រសៀល  Khatoco KH v U19 PKR
ជើងទី២
២៤ កុម្ភៈ ម៉ោង ៣ រសៀល U19 PKR v Tây Ninh
២៦ គុម្ភៈ​ ម៉ោង ៥ រសៀលU19 PKR v Bình Định
១ មិនា ៣ រសៀល  HAGL v U19 PKR
៣ មិនា ម៉ោង ៥ ល្ងាច  Dong Nai v U19 PKR
៦ មីនា ម៉ោង ៣ រសៀល U19 PKR v Khatoco KH

លោក អោក សំណាង អគ្គលេខាធិការក្លិប ​ព្រះខ័នរាជ បាន​ឱ្យ​ដឹង​ថា ក្រុម​ដែល​ចូលរួម​ទាំង​អស់​មាន​ចំនួន ២៤ ក្រុម​ចែក​ជា ៤ ពូល​ខុស​គ្នា។ ២ ក្រុម​ដែល​មាន​ពិន្ទុ​ច្រើន​ជាង​គេ​ឡើង​ទៅ​ប្រកួត​ជុំ​បន្ត។ នៅ​ជុំ​បន្ត​នោះ​ចែក​ជា ២ ពូល​ផ្សេង​ទៀត​ដើម្បី​ ស្វែង​រក​ក្រុម​ខ្លាំងក្នុង​ពូល​ចំនួន​ពីរ​ឡើង​ទៅ​វគ្គ​ពាក់​កណ្ដាល​ ផ្ដាច់ព្រ័ត្រ និង ផ្ដាច់ព្រ័ត្រ។ ចំពោះ​ប្រាក់​រង្វាន់​ក្រុម​ជើង​ឯក​នឹង​ទទួលបាន​ប្រាក់ ៥០ លាន​ដុង (ប្រមាណ​នឹង ២៥០០ ដុល្លារអាមេរិក)។

ខាង​ក្រោម​ជា​បញ្ជី​ឈ្មោះ​កីឡាករ​ទាំង ២៥ នាក់​ដែល​គ្រោង​នឹង​ចេញ​ដំណើរ​ទៅ​ប្រកួត៖
អ្នកចាំទី
អាំ​សុវណ្ណារ៉ាត់, ផុន ចាន់ឧត្ដម, សយ ភក្ដី

ខ្សែ​ការពារ
ឱ សោភ័ណ្ឌ, នេន សុធារ័ត្ន, សុខ វាសនា, ប៉ែន បញ្ញា, យ៉ុន មេសា, ឆាយ បូរិន, សារ៉េត គ្រីយ៉ា,  រស់ គង់សំរេច
ខ្សែ​បម្រើ
ហេង ផានិត, មួង មករា, សឿង បញ្ញា, ហូយ ផល្លីន, សួន វាសនា, ឈឹម ចាន់សីហា, សំអឿន ពិដោរ, សុខ សំណាង,  ប្រាក់ មុន្នីឧត្តម, ជា សំណាង
ខ្សែ​ប្រយុទ្ធ
ស៊ុន វណ្ណដេត, លី សារ័ត្នុ, ណុប តុលា, ម៉ាត់ រូហ្វាហ្សី