ពិធីក្រុងពាលី​ សាងសង់​​អគារ​មជ្ឈ​មណ្ឌល​​ជាតិ​​ហ្វឹក​ហ្វឺន​កីឡា​​នៅ​ពហុ​កីឡ​ដ្ឋាន​​ជាតិ​អូឡាំពិក

រាជធានី​ភ្នំពេញ ៖ នៅពហុកីឡ​ដ្ឋានជាតិ​អូឡាំពិក នាព្រឹក​ថ្ងៃទី១៣ មករា ២០១៣​នេះ ក្រសួង​អប់រំ យុវជន និងកីឡា បានប្រារព្ធពិធីក្រុង​ពាលី​សាង​សង់អគារ​មជ្ឈមណ្ឌល​ជាតិហ្វឹក​ហ្វឺនកីឡា​ដែល​ មាន​កម្ពស់​៩​ជាន់ ក្រោម​អធិ​បតីភាព​រដ្ឋលេខាធិការ​ក្រសួង​អប់រំ យុវជន​ និង​កីឡា លោក​ប៊ុន សុខ មន្រ្តី​ជាន់ខ្ពស់​ក្រសួង​អប់រំ និងអ្នក​មុខអ្នក​ការ​ខាង​កីឡា​ជា​ច្រើន​រូប ។

អគារ​មជ្ឈមណ្ឌល​ជាតិហ្វឹកហ្វឺន​កីឡា​ដែល​មាន​កម្ពស់​ ៩ជាន់ ទទឹង​២៥ម៉ែត្រ បណ្តោយ​៤០ម៉ែត្រ ស្ថិតនៅ​ជ្រុងខាង​កើតនៃ​ពហុកីឡ​ដ្ឋាន​ជាតិ​​អូឡាំពិក ក្នុង​រាជ​ធានីភ្នំពេញ នឹង​ត្រូវ​ប្រើពេលសាង​សង់២ឆ្នាំ គឺមានអគារ​សម្រាប់ហ​្វឹកហ្វឺនក​ីឡាករ-កីឡាការិនី​ច្រើន​វិញ្ញាសា ក៏ដូចជា​កន្លែង​ស្នាក់នៅ​របស់ក្រុម​កីឡាករ-កីឡាការិនី​ជម្រើស​ជាតិ​កម្ពុជា​ ផងដែរ ៕