ការប្រកួត ក្របខ័ណ្ឌមិត្តហ្វូនខេមបូឌានលីកឆ្នាំ២០១៣ ត្រូវចាប់ផ្តើមនៅថ្ងៃសៅរ៍ ទី១២ ខែមករា នេះ ដោយមានបីប្រកួត ដោយពីរប្រកួតរៀបចំនៅពហុកីឡដ្ឋានជាតិអូឡាំពិក និងមួយប្រកួតទៀតនៅកីឡដ្ឋានកងយោធពលខេមរភូមិន្ទ (ស្តាតចាស់)។
ពហុកីឡដ្ឋានជាតិ
អគ្គស្នងការដ្ឋាននគរបាលជាតិ ជួប ក្រសួងការពារជាតិ
វេលាម៉ោង២រសៀល
អគ្គស្នងការដ្ឋាននគរបាលជាតិបានឆ្លងចូលវគ្គខ្វែងកាលពីរដូវ
កាលមុន ប៉ុន្តែបានបញ្ចប់ក្នុងចំណាត់លេខបួន
បន្ទាប់រងបរាជ័យដោយសារព្រះខ័នរាជ ៤-២ ។ ដោយឡែក ក្រសួងការពារជាតិ
ពួកគេបានទទួលចំណាត់ថ្នាក់លេខ៧ឯណោះកាលពីរដូវកាលមុន។
សម្រាប់ជំនួបរបស់ក្រុមទាំងពីរនាឆ្នាំកន្លងមក
នគរបាលជាតិបានទទួលជ័យជម្នះ ៣-១ ក្នុងការប្រកួតជុំទាំងពីរ
ខណៈការជួបលើកដំបូងបានបញ្ចប់ដោយគ្មានការស៊ុតបាល់បញ្ចូលទីឡើយ។
ណាហ្គាខប ជួប ព្រឹទ្ធសភា
វេលាម៉ោង៤រសៀល
ក្រុមដែលសំបូរទៅដោយមេដាយប្រាក់នៅគ្រប់យុទ្ធនាការ ណាហ្គាខប
ត្រូវស្វាគមន៍ក្រុមចំណូលថ្មី ព្រឹទ្ធសភា។ តើកីឡាកររបស់ព្រឹទ្ធសភា
គឺជាឈុតរបស់ក្រុមខណ្ឌចម្ការមន ឬយ៉ាងណា?
តើមានការលាយបញ្ចូលជាមួយក្រុមវេស្ទើនយូនី
ដូចការលើកឡើងកន្លងមកដែរឬទេ?
អ្នកទស្សនានឹងបានឃើញនៅរសៀលថ្ងៃសៅរ៍នេះ។
កាលពីរដូវកាលមុន ណាហ្គាខប បានទទួលមេដាយប្រាក់
ក្រោមការដឹកនាំរបស់លោក ប្រាក់ សុវណ្ណារ៉ា
បន្ទាប់ពីពួកគេបានចាញ់ចម្ការកៅស៊ូបឹងកេត ៣-១ នៅវគ្គផ្តាច់ព្រ័ត្រ។
ព្រឹទ្ធសភាគឺក្រុមដែលទើបតែឡើងពីក្របខ័ណ្ឌក១
ក្នុងនាមជាក្រុមជើងឯក។ ប្រសិនបើព្រឹទ្ធសភា
និងចម្ការមនជាក្រុមតែមួយនោះ ណាហ្គាខបនឹងមានការប្រឹងប្រែងខ្ពស់
ព្រោះពួកគេបានត្រូវបានចម្ការមនបំបាក់ក្នុងលទ្ធផល ២-០
ក្នុងជំនួបតាមពូលនៃពានរង្វាន់សម្តេច ហ៊ុន សែន។
កីឡដ្ឋានកងយោធពលខេមរភូមិន្ទ (ស្តាតចាស់)
ភ្នំពេញក្រោន ជួប បៀលប្រាយយូណាយធីត
វេលាម៉ោង៣រសៀល
កាលពីរដូវកាលមុន ភ្នំពេញក្រោន និងបៀលប្រាយ
បានបញ្ចប់ក្នុងចំណាត់ថ្នាក់លេខ៥ និងលេខ៦ទៅតាមលំដាប់។
សម្រាប់ជំនួបជាមួយភ្នំពេញក្រោន
បៀលប្រាយបានរងនូវការខកចិត្តទាំងពីរជើងក្នុងលទ្ធផលបរាជ័យ ៣-០
ដូចគ្នា។
ភ្នំពេញក្រោនបានចុះហត្ថលេខានាំយកខ្សែប្រយុទ្ធ Nelson Oladiji
អតីតកីឡាកររបស់ខេមរាកីឡា បៀលប្រាយ គិរីវង់ និងនគរបាលជាតិ
មករួមក្រុម ប៉ុន្តែគេមិនបង្ហាញវត្តមានឡើយសម្រាប់ជំនួបបើកឆាកនេះ។
ដោយឡែក បៀលប្រាយមានអតីតម្ចាស់ក្លិបខេមរាកីឡា លោក លាស់
សាឡាក់ខាន់ នៅពីក្រោយ ក្នុងនាមជាប្រធានផ្នែកបច្ចេកទេស៕
No comments:
Post a Comment
Welcome to AngkorKhmer